Simon Passaeus

Simon Passaeus

Res apud Vicidata repertae:

Simon Passaeus: imago

Nativitas: 1595; Colonia Agrippina
Obitus: 6 Maii 1647; Hafnia
Patria: Nederlandia

Familia

Genitores: Crispianus Passaeus;

Effigies Roberti Naunton.

Effigies Ludovici Stewart, Lenoxiae Ducis Secundi.

Simon Passaeus (Nederlandice Simon van de Passe; Coloniae Agrippinae anno 1595 natus; Hafniae 6 Maii anno 1647 mortuus) fuit aetatis aureae chalcographus, delineator et artis operum mercator Nederlandicus.

Biographia

Crispiani Passaei filius et Magdalenae, Wilhelmi et Crispini II frater, primo Traiecti ad Rhenum de 1612 usque ad 1615 laboravit. Eodem anno, in Londinium, ubi mansit usque ad 1622, migravit, regalis familiae participum effigies et numismata sculpsit atque ad exornandam Henrici Holland Baziliωlogiam effigies perfecit. Anno 1623 Lutetiam fratrem Crispinum adiit. Anno 1624 in Traiectum ad Rhenum rediit atque, eodem anno aut 1626, a rege Christiano IV chalcographus regius nominatus est et Hafniae usque ad 1647 mansit. In Hollandiam Septentrionalem ad mandata describenda ut picturae castello Kronborg perfectae sunt anno 1637 et iterum 1639 iit. Praeter fratrem Crispinum, pictores Abraham Bloemaert, Ioannem de Bijlert, Adamum Willaerts, Hadrianum de Nieulandt, Salomonem Koninck, Nicolaum Knüpfer, Claes Moeyaert, Isaac Isaacsz, Simonem Petrum Tilman et Gerardum de Honthorst adhibuit.

Praecipue effigies sculpsit.

Ioannes Payne eius discipulus fuit.

Opera

• Roberti Naunton effigies, chalcographia, 166 mm x 124 mm, apud Museum Britannicum, Londinii
• Ludovici Stewart, Lennox Ducis Secundi effigies, chalcographia, 176 mm x 118 mm, 1620-1623, apud Museum Britannicum, Londinii
• Pocahontas, chalcographia, 17 × 11,7 cm, 1616, apud National Portrait Gallery, Londinii
• Gervase Babington effigies, chalcographia, 15,56 × 10,8 cm, 1620, apud Effigiei Pinacothecam Patriam, Londinii
• Thomae Egerton effigies, chalcographia, 171 mm x 112 mm, 1616-1620, apud Museum Britannicum, Londinii
• Magdalenae Passaeae effigies, chalcographia, explicandi versus Magdalena de Passe, philia Crispiani sculptrix celeberrima, AET. 30, 1630
• Anna Daniae, Carolus I et Iacobus I, chalcographia, apud Effigiei Pinacothecam Patriam, Londinii

Bibliographia

• "Simon de Passe (circa 1595-1647), Engraver". National Portrait Gallery. 2015 
• "Simon de Passe". Rijksbureau voor Kunsthistorische Documentatie. 2015 
• "les Van den Passe". Dictionnaire de la Peinture Larousse. 2015 

Nexus externi

Vicimedia Communia plura habent quae ad Simonem Passaeum spectant.

• Simon Passaeus in Amstelodami Rijksmuseum (Nederlandice)
• Simon Passaeus in Artnet (Anglice)